| Historikk: | Informasjonskiosken
Denne sto ei periode ved Frich`s gamle kafe, så fløtt nord for Mjelva der Guri Nyhus jobba.
Oddmund Kristiansen var formann i Dombås Vel i fleire år rundt 1967.
Dombås Vel starta med kioskdrift fyrst på 1950-talet, kun sommar open og litt dårleg resultat. Kiosken har vore fløtt fleire gonger. Fyrst sto den rett utanfor Frich, midt mellom Åttekanten og Dombås Turisthandel, så fløtt sør for BP. (Mjelvatomta)
Dombås Vel hadde eit sanitæranlegg i uthuset på Mjelva frå 1953, men da ny E6 kom vart uthuset fjerna, og Dombås sentrum hadde ikkje offentleg toalett lenger.
Da Mjelva (Misjonsheimen) brant ned i 1961 fekk foreninga etterkvart disponere eit område vederlagsfritt på tomta, av Dovre kommune.
Ny kiosk vart tegna av arkitektane Stabell og Langdalen, kiosken skulle få lagerrom, turistkontor og sanitæranlegg.
Den nye Informasjonskiosken opna til turistsesongen 1968.
Arnhild Kristine Berg Selsjord hadde sommarjobb her i 1969 og 1970.
Sommaren 1983 er kiosken utleigd til Signe Granden Berg og Solveig Paaske Hage.
Dei hadde opent 15. juni til 15. september. Dei skulle gje informasjon for Reiselivslaget, selja souvenirar, husflid og andre kioskvarar.
Bilde på Gåmålt frå Dombås 14.02.2022 Mariane
|
