| Historikk: | Matr. 1668 og 1723: "Qvern hvorpaa ikkun kand mahles til huusenøtte." I 1668 har nok Li berre ei kvenn da dei skattar 8 skill. Johannes dreiv garden frå 1759-1781, broren Pål overtok ein tredjedel av garden i 1759, Lishaugen, nå Liesøygarden 16/1. Pål fekk og ein tredjedel av eit kvennbruk i Dombfossen. Johannes Dombåsøygard tok Korsvoll og Engum på forlik i 1806, fordi ei kvenn i Dombfossen hadde brunne. Erik Qveum reparerte denne kvenne.
Ny strid i 1810 da Jørgen Domaas stevna Tord Lie, Jon og Knut Blæstrud, Kjøstel Fossen og Eirik Qveum om kvennhusdrift. Tord Lie stevna Jørgen Domaas med fleire i 1811. Dette kan fortelja oss at Lie hadde fleire kvenner. Ei i Dombfossen og ei der Domba renn ut i Lågen, denne ser ein ikkje tufta etter, men fleire informantar seier det same. Lie hadde òg kvenn i Lieslia. Det var nok seinare enn dei to i Lågen.
|
